Imam Ali (as):
Jo shakhs Masjid ka PADOSI ho aur bagair kisi maaquul uzr (valid reason) ke apne ghar mein Namaz padhe, uski Namaz qaabile QUBUL NAHI.
(Roohul Hayaat)
Rasule Khuda (saww):
Jo kisi ke ghar jaaye to Mezbaan jis jagah bithaye wahi'n baith jaye kyunki Mezbaan apne ghar ki Neki-badi se khuub waaqif hai.
(Tehzibul Islam)
Hazrat Luqman (as):
Samajhdar aadmi ko chahiye ke wo apne ghar mein narm-andaaz bachche ki tarah sulook kare aur apne sakht (kathor) mardana andaaz ko baahar ke kaamo'n ke liye rehne de.
(Islamic Morals)
Imam Sadiq (as):
Jab ek Muslim GHAR MEIN Quran ki tilaawat karta hai, to aasman waalo'n ko wo ghar aise dikhta hai jaise zameen pe rehne walo ko aasmaan ke jhilmilaate sitare.
(Uddatud Dai)
Rasule Khuda (saww):
Walimah sirf 5 mauqe par hai -
Shaadi ke waqt,
bachche ki paidaish par,
ladke ki khatna ke waqt,
ghar kharidne par
aur
Jab koi shakhs Hajj se aaye.
(40 Hadith Hajj)