#TimeLine Islamic Revolution
Iran Me Inqulab kasie aaya (Timeline)
- 1905 – 1907 – Inqulab e Mashrute aaya tha, jo nakaam hota hai. Wajah - us mein leadership exclusively ulama ki nahin hoti.
- 1925– 1941 - Raza Khan England ke support se naya Shah banta hai. Azadari, Namaze Juma, Hijab par Iran jaise shia mulk mein pabandiyan shuru.
- 1941 Uske bete Muhammad Raza Shah ko England Iran ka Shah banati hai
- 1953 Ek bold Prime Minister (Mosaddegh) Irani Oil industry ko British control se nikal kar Irani control mein laata hai.
- 1953 American CIA Mosaddegh ki hukumat ko overthrow karti hai. Raza Shah America ke support se phir Shah banta hai
- 1961 – Waqt ke Marja, Ayatullah Burujardi ka inteqal. Wo Imam Khomaini ko political masail mein apna advisor maante thei.
- Imam Khomeini ek marja taqleed ke taur par pehchane jate hain.
- 1963 – Ashur ke Shab mein Imam Khomaini majlis Padte hai aur Shah ko Yazeed ka numayanda, Israel aur America ka ghulam batate hai. Unhe arrest kiya jata hai.
Log protest karte hain. Hazaron ko shaheed kar diya jata hai.
- 1964 – Ek saal baad Imam Khomeini ko azad kiya jata hai. Wo phir Shah ke khilaf taqreer karte hain. Unhein phir arrest kiya jata hai. Is baar Turkey jila vatan kiya jata hai.
- 1965 - Unhein Turkey se Najaf (Iraq) shift kiya jata hai. Wahan Imam Khomaini Darse Kharij me Hukumat e Islami padhate hain, aur Irani awam ki apne paigham on ke zariye hidayat karte hain.
- 1977 – Imam Khomani ke bete Mustafa Khomaini ko Najaf mein shahadat. Is par Iran ke awam mein ek naya josh aata hai.. log kahte hai ke agar Khomaini ke bete shaheed ho sakte hain to phir hum bhi apne beton ko qurbaan karenge ....
- 1978 – Imam Khomaini ko Saddam Iraq se nikal deta hai. Unke chahne wale France mein unke liye rehne ka intezam karte hain France jaate hai (kyuki us zamane mein Iranians ko France mein baghair visa entry milti thi) France se Inquilab ko Intl Media Coverage milne lagi...
- 16th January 1979 – Shah Iran se farar karta hai. Lekin uski hukumat, military abhi bhi Iran mein qayam rehti haim
- 1st February 1979 – Imam Khomaini Iran laute hain
- 11th February 1979 – Islami Inqulab kamyab hota hai. Poorani hukumat ka khatma.
Ghaybat ke daur mein pehli bar shi'at ki hukumat (na sirf shi'on ki) qayam hui. Jisme society ke behtareen log (maraje) lead kareyn aur islami qanoon ke mutabik hukumat banayee gayee. Aur is ki koshish ho ke Quran aur Ahlebait ki taleemat ke mutabiq ummat ko lead kiya jaye.
Aaj 36 saal ho gaye aur ye Inqulab dushmano ke saamne sar utha kar khada hai. Husaini raah pe chalte hue, Imam Khomaini ne America Israel aur tamami Yazeedi takato ko lalkara aur hamare liye fakhr ka sabab ban gaye.. Aaj ye inqulab Lebanon, Yemen, Iraq aur tamam jahan me ek mazboot asar ke sath zinda hai..
Hame fakhr hai is inqulab ki wajah se Shia Islam duniya me pehchana gaya aur aaj yahee Iran se puri duniya me shiat ki Tableegh ho rahee hai ..
