🌹🌹🌹 Sahra
Khoobi-e-MASOOM ki Jalwaagari sahre me hai
NAZNEE'N ke bagh ki taza kali sahre me hai
Rahmatul lil aalamee'n ka ummati sahre me hai
Noor-e-Ishq-e-Mustafa (s) ki raushni sahre me hai
Phool sahre ke na kyun itraaye'n is Nawshah par
Ek Azadar-e-Husain ibne Ali (a) sahre me hai
Parda-e-Ghaibat me hai saaqi-e-Sahba-e-Vila
Aur Sahba-e-Vila ki tashnagi sahre me hai
Os taraf hai JANASHEE'N sahre me Fizza (s) ki kaneez
Is taraf MEHDI ghulam-e-Anbari sahre me hai
Rang laai ATHAR o MUKHTAR ki ek aur dua
Ek NABEERA unka mashghool-e-khushi sahre me hai
SHAHID o AHQAR, HASAN, PARVEZ aur AALE RAZA
Har chachaa ko aj dilchaspi badi sahre me hai
MAHAR o SARDAR ke rukh par tabassum dekh kar
Aisa lagta hai ke un ki zindagi sahre me hai
Hai SAFEER e mulk-e-ishrat apni manzil ke qareeb
Aur khushion ki RIYASAT ka dhani sahre me hai
Purmasarrat hai HENA aur mutma-in hai NAZIA
Kyun na ho un ka baradar jannati sahre me hai
Aj to bhabhi ki aamad ka yaqee'n kar lo ALI
Aj to bhai tumhara waaqaee sahre me hai
JANASHEE'N apna rawana kar diya bhai ke ghar
Aj PARO ki dua-e-qeemti sahre me hai
Hai dua Fanoos ki mahke'n sadaa sahre ke phool
Hashr tak qayem rahe, jo taazgi sahre me hai
7th feb 2015 sat.
